TVB台慶劇《新聞女王2》當中，Man姐全力衝刺事業大殺三方、張家妍為事業犧牲愛情、劉艷選擇結婚生仔兼顧事業，原來現實生活中，飾演張家妍嘅李施嬅曾有過生小孩子諗法！
44歲李施嬅與前未婚夫車崇健近日參與內地綜藝節目試圖挽回8年情，當中有唔少真情剖白環節，李施嬅喺節目透露曾經有生B打算，最終卻打消念頭。李施嬅坦言係鍾意小朋友，之前更有考慮過要生小朋友，但佢覺得若果生咗小朋友後，佢會變成一個單身媽媽，因為佢知道所有嘢都要自己去管同安排，佢會覺得好攰。
李施嬅與車崇健討論過生B問題，佢坦言生咗小朋友後肯定崩潰，到時投入喺小朋友身上，冇咗自己嘅事業，所以最後李施嬅都唔太想要BB。唔少網民睇完節目後，深明李施嬅嘅憂慮，皆因車崇健喺呢段關係太自我中心，加上壞習慣屢勸不改，網民指若果李施嬅與前未婚夫車崇健真係生B，相信李施嬅係「喪偶式帶孩子」。
