麥明詩34歲生日曬一家三口雪地全家福 阿仔可愛黑超Look曝光

麥明詩（Louisa）去年3月與機師盛勁為（Keith）結婚，今年3月誕兒子，12月11號係麥明詩34歲生日，佢上載多張喺雪地玩耍嘅家庭照，一家三口幸福美滿，麥明詩一臉寵溺望住囝囝。

相中見麥明詩一家三口喺雪地合照，9個月大嘅阿仔已經識企定影相，麥明詩一直保持低調未有貼阿仔正面相，之不過當中一張相見麥明詩囝囝露出兩隻牙仔，麥明詩表示感恩能夠喺埋一齊，呢份簡單嘅禮物已足夠珍貴，而圈中好友馮盈盈、丁子朗、朱千雪及張名雅等亦有留言送上生日祝福。