台灣首部整形外科醫療劇呢日舉行首映會，作為監製嘅 温昇豪 率領 張榕容 安心亞 韓星李廷鎮 等到場宣傳。張榕容呢次喺劇中被多位男士展開追求，可以話係享盡温柔，如果現實中都有同樣經歷嘅話，榕容竟然唔覺意流露咗佢貪心嘅一面，竟然話全部男生都想要，韓國有一個男朋友，台北有兩個，不過榕容話佢哋其實戲裡戲外對自己都好好，所以拍完大家都會約食飯或傳訊息。
安心亞呢次同温昇豪再續前緣，關係由恩愛進化成藕斷絲連，心亞似乎對呢個感情狀態有啲微言，仲話自己遇到爛桃花。
藝人小禎嘅18歲囡囡Emma首度拍戲，温昇豪都相當照顧佢，兩人仲有唔少對手戲，不過話晒係第一部處女作，但竟然唔見媽媽小禎嚟捧場，原來係因為媽媽去咗慶祝生日，不過。外公瓜哥就有嚟捧場，除咗叮囑佢要好好講嘢之外，仲比咗唔少意見佢呀。
