吳文忻 現身電視城作客《StarTalk》接受專訪，Nathaliie年初發現乳癌擴散，即使面對接連挑戰，但佢繼續抱正念面對。啱啱完成化療療程嘅佢表示，現時處於抗藥階段，需要再轉藥。佢話現時左胸仍然好大好硬，但可能自己抱正念，再加上化妝，所以大家見到佢狀態好好。佢話心情好重要，唔好被身體病痛帶住自己走向負面情緒，只要當自己抱住好心情，身邊自然會有好多天使出現幫忙。
Nathaliie最近推出新歌，向大家宣揚要常存感恩的心，而新歌嘅歌詞更係道出佢嘅故事同心態。講到兩位囡囡是否一早聽過作品，佢笑指自己嘅歌喉被兩位囡囡彈，因為當時自己未跟唱歌老師去執音，一心以為自己唱得好。
唔好以為Nathaliie只會推出一首作品，原來佢有個音樂夢，更想圓夢成為跳唱歌手。今次推出慢歌之後，明年會再出輕快版歌曲，屆時會排埋舞，中間Rap嘅部份會搵兩位囡囡負責，佢都話好期待呢個親子活動。
