方中信 同 麥兆輝 作客新節目《一周星星》，嚟到接受主持 王鎮泉 嘅「你問我答」環節，首次係麥兆輝被 周勵淇 問到兩人喺邊部電影演過對手戲？麥兆輝喺泉叔提水下答中。當 李靖筠 問到佢同 湯怡 、Niki三人喺新戲中，邊個演得最好時，麥兆輝就話三位都係靚女，因為佢覺得一部戲中女主角靚女係好重要，佢話「如果一個女演員唔係好靚，但只要佢好真實去演一個角色，你會覺得好靚。」方中信即問是誰？麥兆輝即答「周迅，佢真人好細粒、好矮、好乾，但係佢好認真去演《竊聽風雲3》嘅時候，嗰個靚嘅程度同感動，令你覺得呢個角色真係靚。
立即重溫《一周星星》精彩內容
方中信被 譚耀文 同 蕭正楠 問點點解唔會老時，佢就笑言唔好跌，因為拎咗長者卡睇骨科好陰功。另外 謝天華 問到方中信喺屋企地位，同埋 關寶慧 八卦 莫可欣 點治到佢時？方中信就自爆家中地位低微，係家中金字塔最低層，自己唯一能力係賺錢養家，兼且放工就問老婆囡囡想食咩，即刻去街市買餸，佢仲借用一句「往昔所做諸惡業」嚟自嘲。想睇更多就要留意《一周星星》！
《一周星星》 逢星期日晚 22:00 翡翠台