「鐵面陳」王志狄娶圈外女友雙喜臨門 為愛女搞百日宴低調做人父

憑處境劇《愛·回家之開心速遞》飾演「鐵面陳」一角成功入屋嘅 王志狄 ，6月宣布向圈外女友Nicole求婚成功。雖然王志狄對感情低調，但有人指Nicole家底殷實，係美容集團繼承人，所以王志狄亦有「億萬駙馬」呢個封號。 

不過估唔到王志狄係雙喜臨門，初做人夫亦升級做人父！佢嘅好友 劉天龍 日前喺社交平台限時動態分享參加王志狄為囡囡舉辦百日宴嘅照片，出席藝人仲有杜大衛及鄧永健等等，意外曝光王志狄做咗爸爸嘅好消息。 從相中可見，著上灰色西裝王志狄小心抱實囡囡，而Nicole就溫柔在旁護實，二人臉上難掩初做父母嘅喜悅。