TVB歌唱真人騷《中年好聲音4》TVB藝人賽區，加入蒙面「盲選」賽制，每位參賽者只能以「歌聲」吸引評審撳燈，神秘參賽者「貓女郎」以中性打扮演唱吳雨霏經典作品《我本人》，被評審張佳添讚感情到位，成功奪得3燈，獨特嗓音瞬間引爆網民偵探其真正身份！
眼利嘅網民憑聲線、身形及台風，估「貓女郎」疑似劉佩玥（阿Moon），雖然「貓女郎」仲未揭開面具，不過網民就翻查劉佩玥以往登台演唱嘅舊片，睇吓有咩蛛絲馬跡，仲發現劉佩玥曾喺廣州舉行音樂會當中，獻唱《海闊天空》嘅片段，非常投入情感。
片中見劉佩玥一時眉頭深鎖、一時表情肉緊，與平時甜美形象有強烈對比，網民對其唱功評價不一，有網民覺得佢太賣力去唱，失去表情管理，另有網民覺得佢想表達呢首歌嘅情感，先流露出呢個七情上面嘅表情。
