蔡少芬（Ada）近年雖然專注內地發展，不過今年佢相隔8年重返TVB，夥拍汪明荃、朱茵等好戲之人拍攝重頭劇《風華背後》，亦有人喺街頭偶遇過Ada開工令唔少劇迷都好期待劇集播出！
Ada除咗開工被野生捕獲，不時行街Shopping都會被偶遇。日前佢就喺沙田被影到素顏行街，同行嘅仲有當年同Ada拍《後宮甄嬛傳》，飾演「剪秋」嘅內地女星楊凱淳！二人以一身樸素打扮出沒，懶理途人目光，仲相當貼地行特價百貨店添！
向來駐顏有術嘅Ada係圈中凍齡美魔女，即使未施粉黛，皮膚狀態都係非常光滑，靚樣始終不變，唔少網民都大靚佢Keep得好好，仲有人形容：「我20歲皮膚狀態都沒她好」、「素顏有年輕女孩的感覺。」
