深受觀眾歡迎嘅資深演員 許紹雄10月底離世，7個星期過去，許家人仍沉浸於不捨之中。近日囡囡 許惠菁 更新社交平台，帶同媽咪 龍嬿而 到主題公園散心，仲話多謝侄女出現，令家中再有笑聲，句末「Healing(治癒)」一字令人心酸。
Charmaine又貼出一張同媽媽嘅Selfie，雖然身旁未再有Benz雄身影，不過可見兩人都面帶微笑，正努力適應新生活當中。
龍嬿而 同囡囡曾返新加坡為Benz雄處理後事，期間曾同資深儀媒好友分享，指去年Benz雄發現癌症後曾接受手術切除腫瘤，之後康復情況理想，可惜到今年10月再因不適入院，發現癌細胞已擴散至肺部，同時身體亦受細菌感染，彌留兩日就與世長辭。
龍嬿而更指感謝得知消息嘅圈中好友前仆後繼趕到醫院探望，可惜期間Benz雄未有留下遺言。