李家鼎為體重急跌解畫報平安 回復狀態繼續做廚男傳授冬日菜色

李家鼎 踏入生日月都忙住工作未有特別慶祝，早前鼎爺因為腸胃炎令體重急跌20磅，令唔少人擔心佢健康狀況，呢日鼎爺精神奕奕現身商場大展廚藝，見鼎爺狀態好好，又親自解釋現時身體已經冇大礙，自己雖然做娛樂圈時間不定，但也會偷時間去做運動保持體魄。

入冬後香港天氣開始轉涼，加上好快就到聖誕節同冬至，鼎爺都悉心炮製合時餸菜推介畀大家，好似羊腩煲、圓蹄、盆菜等都係鼎爺嘅拿手菜。而喺鼎爺節日喺屋企時就會做返位暖男，煮返啲鮑蔘翅肚、花膠等美食俾孫仔同家人品嚐，令一家人好溫暖。