78歲石修除咗同近日榮升爸爸嘅方力申Alex撞樣成焦點之外，最令人關注係佢多年嚟點樣keep住凍齡型男嘅妙法，一把年紀無論體魄同外觀比實際年齡後生起碼廿年，型足咁多年，令唔少網民羨慕。
近日石修同老友元彪相聚，狀態依然Fit爆，今次帶兒子陳宇琛Sam一齊見吓世叔伯，從相中見元彪同石修聚舊時帶點豪邁嘅兄弟情，石修保持一貫型格打扮風度翩翩，久未喺幕前亮相嘅元彪一身便服現身，精神飽滿氣色好好，不過佢與兩年前嘅合照比較，元彪明顯發福，相反石修則變化不大。
石修多年嚟一直工作不斷，從未因年齡界限而停擺工作，縱橫娛樂圈相識滿天下，閒時同老友聚舊，特別係佢同識於微時嘅好友元彪，前年佢哋曾與林嘉華同吳毅將等見面，石修將四人聚會照片曝光後，獲全城稱讚佢比起相差大10年，現年68歲嘅元彪仲後生，長期保持住不老型男嘅美譽。
