37歲前港姐季軍朱千雪（Tracy）去年5月為醫生老公吳昆倫（Justin）誕下B仔，產後較少於幕前露面，忙於兼任大律師同大學講師嘅工作，曾大讚老公喺幫手照顧BB方面係神隊友，早前佢一家三口返加拿大探親，提早過聖誕。
朱千雪自8歲時與家人移居溫哥華，其父母一直定居當地，佢喺社交平台貼出多張照片，見佢同青梅竹馬嘅老公Justin非常恩愛，不時面貼面selfie，大曬幸福甜笑，朱千雪兩公婆仲一齊品嚐當地美食，又一齊行山同滑雪，盡情享受呢次探親之行！
朱千雪對於今次回加國探親非常感慨，並寫道：「加拿大趣事。 🍁🇨🇦 最近發生的事情教會我們不要把生活視為理所當然。 🙏🕯️每次來到溫哥華，我都會想起我的朋友和家人成就了今天的我。」
朱千雪感謝親友無論發生咩事永遠給予支持，亦希望親友知道佢係心懷感激，即使佢每年都忘記發生日快樂或聖誕快樂嘅短訊畀大家，但佢一直都有想念家人及朋友。
