臨近冬至，TVB處境劇《愛·回家之開心速遞》一眾演員呢日聚首一堂提早做節，又齊齊製作「九九消寒圖」，同埋寫心意卡為觀眾送祝福，場面溫馨熱鬧。
袁文傑近日喺社交平台發文疑似告別劇組，令觀眾紛紛估佢係咪要離巢，擔心佢同滕麗名喺劇中嘅「潮善CP」悲劇收場。阿滕就話今晚仲可以見到潮偉，如果係對方刻意吊大家癮，咁自己唔可以穿煲，如果係事實就係合約問題。
張景淳除咗演得仲好唱得，最近佢仲以歌手身份出席商演，令佢心情好激動。TVB歌唱比賽節目《中年好聲音4》日前播出「決戰TVB藝人賽區」引起全城熱話，原來張景淳曾考慮參賽，只因時間問題，如果好彩一路晉身，自己冇辦法無法夾得啱檔期。阿蟹笑言公司其實臥虎藏龍，可以搞返《愛·回家》版「中年好聲音」。
風少陳浚霆今年作品大豐收，仲得到《萬千星輝頒獎典禮2025》嘅「飛躍進步男藝員」十強提名。風少喺音樂同電視上有所發展，年底仲會有一套參演電影會上映，所以佢就好感恩今年有呢啲機會！
