《萬千星輝頒獎典禮2025》各個獎項競爭激烈，入圍「飛躍進步男女藝員」最後10強現身電視城拉票，戴祖儀延續日前洗樓聲勢，繼續帶易拉架到場先聲奪人，雖然戴祖儀此舉被評為出茅招，但黃庭鋒就力撐戴祖儀係認真對待事情，值得大家欣賞學習。
競爭對手林秀怡Kirby見其他人積極備戰，佢話要好好準備秘密武器，已計劃網上拉票時送出自己，將喺社交媒體出Post，投佢票嘅人可以解鎖胸前一塊Banner(橫幅)，令大家即時叫囂，果然係力挽狂瀾。
《女神配對計劃》四人組曾展望GM、葉蒨文Sophie、關嘉敏Carman同李芷晴Stephaine見到戴祖儀嘅強勁攻勢，激發咗啲靈感，GM話想貼橫額喺公司門口仲想落廣告，而Carman就用語氣嚟表達情感叫大家投佢一票，至於芷晴笑言想聽戴祖儀唱歌，因由細聽到佢大，以激將法令戴祖儀入鏡。
王嘉慧Cathy、梁凱晴Nina同陳楨怡Celina同樣佩服戴祖儀勢在必得嘅決心，令佢哋變得弱勢，王嘉慧坦言只叫咗身邊人投票，自認不及戴祖儀準備充足，梁凱晴佩服戴祖儀連筆都準備埋，在場個個工作人員都拎住，唔夠佢玩。至於陳楨怡就換個想法，叫大家收咗筆之後可以轉換投佢哋一票。
