許光漢驚訝趙震雄因醜聞退出娛樂圈 同佐藤健同框期待合作機會

台灣男神 許光漢 自從退伍之後就馬不停蹄投入工作，呢日佢難得抽空出席一個品牌活動，即刻俾傳媒追問近期嘅韓國娛樂圈熱話，事關同光漢合作過韓劇《無路可走：輪盤賭》嘅韓國影帝趙震雄，因為爆出未成年犯罪以及欺凌同行事件，宣布退出演藝圈，不過光漢就似乎對件事毫不知情。

有現場記者好奇，光漢私底下有冇趙震雄食過飯飲過酒？因為外傳趙震雄只要飲大咗就會情緒失控，光漢就話劇組收工都會一齊食飯，氣氛都係和樂融融。

另外講到日本男星佐藤健早前到台灣開fans meeting，私底下有相約同光漢聚會，仲喺IG po出食火鍋嘅相，台日兩大男神同框，令唔少影迷覺得好驚喜。光漢話好多謝佐藤健嘅邀請，希望將來可以有合作機會。