陳煒 同 醫生丈夫 陳國強 結婚剛滿4年，兩人不時都大曬恩愛，甜蜜到不得了，煒哥近日就為老公陳醫生慶祝生日，兩人抱住兩隻愛貓合照，煒哥更係素顏上陣，肌膚狀態一流，簡單但溫馨滿瀉。
煒哥同陳醫生亦有約同一眾好友飯聚慶祝，佢喺社交平台出Post留低紀錄，仲寫道：「親愛的Honey 生日快樂🎂，多謝朋友的愛鍚和祝福，還有第一次一家四口合照紀念呢個特別嘅日子🫰🏻🫰🏻🫰🏻」
每到年尾都係台慶頒獎禮拉票嘅日子，雖然煒哥近來正投入拍攝新劇《璀璨之城》，不過以《巨塔之后》「方欣」一角入圍競逐最佳女主角嘅佢，亦把握機會拉票，到底早前於台慶時獲得50萬巨額獎金嘅幸運煒哥，頒獎禮當日會唔會延續幸運再獲大獎呢？