小朋友都已經開始放聖誕假，節日有咩好節目？當然唔少得帶佢哋去睇吓燈飾，感受吓節日氣氛啦。 陳山聰 一家三口，日前就去咗尖沙咀睇燈飾兼同山聰嘅家姐食飯慶祝生日，一家人一齊喺聖誕裝飾前打卡，幸福滿滿，Jaco仔亦都表現得好開心，不停大擺可愛pose，cute到暈呀。
而 鄭俊弘 同 何雁詩 呢一對父母亦都有好有儀式感，之前阿Fred就話今年屋企砌咗棵聖誕樹，仲放咗好多禮物喺樹下，等囝囝Asher喺boxing day拆禮物，除咗佈置屋企之外，佢哋一家三口亦有外出感受下聖誕氣氛。
而Fred同Step仲好有愛心，日前佢哋就聯同 吳嘉鿋 許紹雄千金 許惠菁 等一齊參與保良局兒童之家嘅聚會，仲為小朋友準備咗好多聖誕禮物同糕點，真係好有愛啊﹗佢哋亦藉呢個機會私下發起籌款，希望為大埔災民出一分力。
