王嘉爾 日前返港，出席自家成立品牌嘅活動，今次相隔成6年先再返屋企，佢就話有好多地方都想去行吓，好似當年留低唔少汗水嘅體育學院、仲有曾經生活過嘅火炭同馬鞍山都想去回憶吓咁話。
年紀輕輕已經獨自到外地盪嘅Jackson，對少年時期嘅機鋪同小食都非常在意，仲即場問街坊傳媒朋友舊記憶仲存唔存在。雖然返港只得幾日時間，不過佢亦選擇放空於香港到處漫步，仲話非常有返屋企嘅感覺，以後仲會抽更多時間返嚟呀。
早前有指Do姐竟然取消社交平台上嘅所有關注，Jackson就指自己唔敢主動問前輩喇。至於早前於節目中提及自行解決需要，令外界對佢直接嘩然，呢日Jackson就指無甚大不了，做自己並非壞事，又提到希望35歲前成家，更一定會生小朋友咁話。
