46歲周勵淇（Niki）2018年宣布閃嫁失婚內地演員傅浤鳴，2020年生咗阿仔Morris，Niki婚後明顯減產，早前忙於出席新戲宣傳活動，上周六（20號）突然喺IG限時動態上載咗一張臥病床、右手手背上插着喉管嘅照片。
Niki透露因一場感冒未有好好去處理，結果變成肺炎，又指自己喺醫院呢幾日感覺到健康嘅可貴，身體健康好重要，同時感激老公每日喺醫院陪伴，「見到你每天都睡梳化真的心痛，還有這裏的醫護人員非常貼心照顧」。
Niki今次參加咗醫院嘅聖誕派對，感激醫護呢幾日無微不至，並寫道：「雖然我們互不相識，但你們每天幫我擦眼淚同我傾偈開解我……短短幾日認識你們感覺到好幸福，多謝你們邀請我參與你們的聖誕派對，雖然我唔可以食，但見到你們開心，我覺得病情都快啲好。」Niki噚日終於出院，返屋企好好休息，與家人歡度聖誕及元旦，迎接2026健康嘅體魄。
Niki一向同呂良偉好老友，12月22號係70歲生日，Niki因身體仍要休養，未能出席生日聚會，佢喺社交平台貼出合照，祝不老男神永遠年青健康。
