28歲「女高音歌唱女神」海兒（Hedy）因擔任TVB歌唱真人騷《中年好聲音3》嘅評審而人氣急升，以天使臉孔再加魔鬼身材，經常成為網民焦點，海兒近日做牙膏品牌代言人，見佢喺社交平台貼出甜笑美照，大曬自信潔白牙齒，原來海兒有一段「牙齒血淚史」！
海兒自爆細個經歷過哨牙、倒及牙同咬合不正等牙齒問題，由10歲開始箍牙，人生夾夾埋埋箍過三次牙，應該好少人有箍過三次牙咁多嘅經驗，佢好感激媽咪用咗好多心機、時間同金錢幫佢整靚棚牙，令佢更珍惜牙齒健康，海兒強調：「我又鍾意笑、又鍾意唱歌，冇咗棚靚牙點得呀。」
海兒今次代言牙膏，廣告選角甚有要求，指明唔要普通歌手藝人，而係想搵一把高原女聲海兒成功跑出，呢次佢喺廣告中，除咗露出招牌甜美笑容，仲有背景音樂一段「啦啦」天籟式女高音，亦係由海兒親自演繹。
海兒坦言牙齒護理秘訣好簡單：「冇話特別方法，不過我每日都會用牙線，早晚刷牙，出街食完飯，尤其飲完咖啡或者食咗啲顏色深嘅嘢，一定會啷口！」
