詹天文 日前再次參與兩晚音樂劇《我們的青春日誌》嘅慈善義演，以實際行動為早前大埔宏福苑火災中受影響嘅家庭籌款，送上實質支持同祝福。
Windy早前向災民祝福時因用詞不當而惹來用詞冒犯嘅批評。事後佢已迅速透過社交平台致歉，坦言因為太緊張而「詞不達意」。而呢次參與無酬義演，正係Windy以實際行動展現對災民關愛嘅心意。
過往Windy就曾先後兩度參與劇作演出，呢次義演更獲台前幕後全力支持。Windy得知計劃後即答允參與，亦希望透過演出凝聚觀眾愛心，將集結而來嘅祝福與善款，切實送達有需要家庭。
演出於上周四、五舉行，兩場票房收入不扣除任何成本下，全數直接撥捐「大埔宏福苑援助基金」。而所有行政、場地等衍生開支都由爆炸戲棚承擔，全體演員同工作人員都無償參與，共同獻出愛心。
義演除Windy外匯聚超過20位演員，包括關寶慧、譚永浩等資深表演者。爆炸戲棚創辦人陳恩碩稱團隊希望藉表演藝術慰藉人心，為受災家庭盡綿力。關寶慧亦指，以專業工作直接籌款幫助災民，係演藝工作者傳遞正能量最直接方式。