張與辰 忙於為月底舉行嘅演唱會綵排嘅同時，呢日應邀擔任一個汽車活動嘅表演嘉賓。而到場支持嘅粉絲非常幸福，能夠喺維港旁欣賞偶像演出嘅新歌同哥哥張國榮金曲。
與辰係愛車之人，一向對揸車都情有獨鍾，17、18歲已經喺馬來西亞揸車至今，而且佢仲好享受駕駛樂趣，不時會揸車感受大自然嘅清風。一向揸開油車嘅佢，早前試揸電車，佢覺得係一種全新體驗。
與辰早前接受小手術切除臉上嘅瘤做化驗，等待數日後，出騷前就收到診所嘅化驗報告，指臉瘤屬於良性，係神經纖維瘤，但成因不明。現在只要等傷口癒合同搽藥膏待傷口不留疤就無事。