黃劍文忙綵排搬屋佳節前仍與歌迷聚會 帶領為災民祈禱感恩3年前專輯終面世

黃劍文 雖然忙住綵排音樂劇同搬屋，不過呢日都趁佳節前同一班Fans聚會見面，仲捐出廿多件衣物義賣，當然亦唔少得為大家高歌演出啦。佢仲話雖然忙到爆，不過仍然覺得要為歌迷演出，因為大家實在太支持自己，俾自己有好大動力呀。

呢晚佢又帶領大家為大埔災民祈禱，而義賣就捐助予動物福利機構，Kimman亦準備禮物送俾歌迷，將三年前已製作近日先正式面世嘅專輯帶俾大家，Kimman仲指當時所有歌都係自己投資製作，所有嘢都充滿回憶咁話。