有份入圍《萬千星輝頒獎典禮2025》最佳男女配角10強嘅何廣沛、丁子朗、徐榮、鄧智堅、龔慈恩、蔣祖曼、王敏奕等呢日現身拉票，呢個獎項向來競爭激烈！
《萬千星輝頒獎典禮2025》第二階段投票 2025年12月28日晚上截止
龔姐獲網民封為女配大熱，佢多謝大家支持，喺呢個年紀仲參與到已經開心，呢份活力令佢好興奮。對於阿女窩心拉票舉動，龔姐覺得好開心，皆因阿女從未試過咁做，大讚阿女好乖好sweet，認為自己已贏晒。
另一邊廂嘅男配亦爭到頭崩額裂，「床寶」廣沛同「飛爺」鄧智堅雙雙憑TVB台慶劇《新聞女王2》打入10強，床寶與飛爺之爭一觸即發，廣沛話今次入10強係好大進步，希望大家對床寶同Man姐厚愛放晒落去，鄧智堅就話上次拎係《下流上車族》關細孝，「飛爺」就未攞過。
《俠醫》丁子朗、《金式森林》徐榮則靠「奸」字打入10強，徐榮年資最深，對呢個獎虎視眈眈，佢努力為自己拉票，盼望一眾對手敬老；丁丁亦對自己角色有信心，有機會同一眾優秀嘅前輩爭獎，佢覺得好榮幸呀！