被稱為「永遠的妲己」嘅 溫碧霞 ，近日應邀於央視網節目以助力嘉賓身份登場，仲重現「妲己」角色。不過今次佢就捨棄昔日妖艷嫵媚嘅九尾狐化身，而以「純樸版妲己」示人。
Irene今次現身節目，主題以多元藝術形式展現國風之美，佢特別配合活動氛圍，將2001年TVB經典劇《封神榜》中膾炙人口嘅「妲己」角色重新演繹。當年佢成功塑造出被九尾狐附身；妖惑紂王嘅妲己，角色既妖豔又狠辣，更令佢被譽為「最美麗妲己」。
盛典當晚，Irene將妲己過往嘅妖冶姿態收起，化身為初入宮廷嘅純情少女，佢都笑言話：「今日呢個係隱藏九尾狐身份，初入宮庭的妲己，比較適合呢個莊重場合。」
