聖誕節一個普天同慶日子，有人選擇開派對交換禮物、有人食聖誕大餐、有人為仔女安排假期節目，盡情享受一家人嘅快樂時光，好似杏兒就帶老公同阿仔去滑雪，而謝婷婷就同老公及仔女行聖誕市集，一家人愉悅投入佳節氣氛。
杏兒去年一家五口去內地滑雪歡度聖誕節假期，寶貝仔似乎愛上滑雪，今年舊地重遊，見佢哋一家整裝待發準備去玩，開心享受冰雪世界嘅樂趣，而杏兒仲連曬多張與老公喺雪地影嘅恩愛合照，未知係唔係寶貝仔為佢哋操刀影㗎呢！
而謝婷婷（Jennifer ）今年7月誕下兒子Brooklyn Milne，今年佢為仔女準備咗聖誕禮物，又一齊行聖誕市集，而阿仔Brooklyn亦著上「My First Christmas」嘅綠色冷衫，配上聖誕鹿襪仔，佳節儀式感拉滿，佢喺IG帖文「Wishing everyone a cozy, merry Christmas🎄♥️」。
