何超雲 自爆出新戀情後，與男友 Jony Su 慢慢越愛越高調，早前拍拖去睇楊千嬅演唱會時，更大方合照。今個聖誕節係二人共度嘅首個佳節，Jony為令女友有個甜蜜嘅回憶，早早就喺平安夜安排好fine dining與超雲撐枱腳，而超雲亦將大餐照PO到限時動態與大家分享，雖然佢未有PO出二人合照，但就有Tag男友並寫道：「Thank you❤️」而Jony亦有repost女友嘅限動，並貼上聖誕老人同聖誕婆婆嘅emoji，低調放閃。
今次二人挑選嘅約會嘅餐廳Té Bo，開業半年即入選2025米芝蓮餐廳，而餐廳主廚Sebastian Lorenzi 亦大有來頭，曾於多間米芝蓮工作，履歷相當華麗。
