林志玲呢日難得現身上海出席一個時裝活動，雖然近年減少幕前工作專心相夫教子，但志玲姐姐依然喺生活中努力增值自己，佢話會喺生活中為自己訂一些小目標，咁就可以不斷進步同突破。
內地新生代男星何與近期因為大熱愛情劇《雙軌》而爆紅，為咗貼近角色，何與都做咗唔少努力，例如同角色一樣揸摩托車，努力揣摩用眼神表達角色嘅內心世界。
金曲歌后楊乃文呢日著住金色西裝褸非常搶眼，佢亦有同大家分享未來做音樂嘅諗法，佢話自己雖然出道多年，但如果有任何新嘗試，佢都樂於接受挑戰，而且經常同唔同人合作，都可以對自己做音樂有所啟發。
金曲歌王李玖哲早前為台灣職業棒球比賽擔任表演嘉賓，首次喺大巨蛋獻唱雖然好興奮，但Nick就覺得唔夠喉啦！所以佢透露自己已經密謀緊新一年嘅巡演，希望可以去到唔同嘅城市唱歌俾大家聽。
