近日翡翠台熱播嘅《守誠者》當中， 陳小春 扮演嘅 何浩輝 因為執勤出差錯而遭降職處分，成為衝鋒隊嘅「車頭」主管，同 李冶廷 任達華 湯加文 仲有 成家宏 一齊出動。今次正經嚴肅出演嘅小春，同過往於劇集綜藝輕鬆搞笑嘅角色大不同，睇落心態成熟唔少。
近年小春就同老婆 應采兒 不時上節目放閃，互爆甜蜜生活日常，近日佢哋就同兩個囝囝Jasper同Hoho趁聖誕度假公開全家福，一家四口齊齊紅紅綠綠聖誕打扮上鏡，唔止Hoho同媽咪著母子裝，連Jasper亦著埋同一花式嘅格仔褲，非常溫馨。
另一張夫妻合照中，小春同丁丁背貼背於海邊五指相扣拖到實，睇真啲小春嘅短褲更襯晒老婆嘅背心裙甜到甩牙。
《守誠者》星期一至五晚 20:30 翡翠台