視帝 陳展鵬 聖誕於網上公開同太太 單文柔 嘅一輯婚紗相，連囡囡小豬比齊一齊上鏡，Phoebe仲公開呢次於船上再拍婚照嘅幕後花絮。結婚7年嘅佢哋恩愛十足，佢仲寫道：
唔經唔覺，又到 2025 年嘅平安夜🎅
呢一年對好多人都好唔容易，經歷過嘅起起落落，令人更懂得，原來平安已經係最大嘅福氣🍀
風浪裏面🌊只要仲有家人可以緊緊牽住手🫶🏻仲可以真摯咁望住對方笑一下☺️就已經足夠溫暖、足夠有力。
簡單嘅相聚，原來就係幸福🌻唔奢求隆重嘅慶祝，只想靜靜講一句：平安夜快樂❤️
願新一年，你同你愛嘅人都身體健康、心裏有光🌈平平安安、開開心心咁過好每一日 🌟💫
而展鵬近日接受雜誌訪問，仲曝光當年幾乎要取消婚禮。展鵬受訪時提及唔少往事，好似指雖然父親係消防員，不過自細已經響往娛樂事業。又提到母親年前發現癌症，為母醫治更花費大量儲蓄，而當年婚禮前一星期陳母曾病情惡化昏迷，令展鵬幾乎考慮取消婚禮，後來決定將原於海外舉行嘅婚禮改為於香港舉行。
展鵬指母親病情逐漸轉趨穩定，現由爸爸貼身全天候照顧。結婚成為爸爸後，展鵬笑容經常掛於臉上，佢就指同太太Phoebe有莫大關係，又話因為工作同家庭等原因，婚後一直未正式享受蜜月之旅，現時連囡囡都已長大讀書，所以一定要好好安排一下咁話。
