冬天唔少朋友都會到外地玩雪或者滑雪，過一個夠晒氣氛同儀式感嘅白色聖誕。近嘅去一河之隔嘅深圳，遠啲去東北，仲有統計指內地嘅「冰雪經濟」產業規模上望萬億人民幣。亦有唔少朋友選擇飛到Powder Snow出晒名嘅北海道二世古，好似 胡諾言 一家早前就趁學校假期全家飛到當地玩個夠喇。
陳琪 同 胡仔 連日出咗唔少Post，分享於當地玩樂嘅過程，而一家人似乎已返港，酷愛跑步嘅胡仔經過連日食好玩盡，又已開始日常跑步練習，繼續保持一個又Fit又型又自律嘅爸爸喇。
近日北日本受寒冷空氣吹襲，北海道本已寒冷嘅天氣同樣受影響，仲有唔少航班延遲或取消，而正身處當地嘅 蘇民峰 師傅，同樣因太大風雪連滑雪場都停止營業，整日悠閒行街食嘢，休息一天咁話。
睇蘇師傅嘅相，風雪都真係唔細，整個畫面連樹幹同樹枝都染到一片皚白，睇相都已經夠晒凍喇。
