周吉佩、羅啟豪，女團 Beanies 及 IdG Bubbles 等現身一個聖誕音樂會，喺寒冬中以歌聲送暖，吉吉跳唱佢嘅快歌《GUTS》帶動氣氛，Ramon則迎合節日溫馨唱出聖誕歌，而Beanies同IdG Bubbles當然唔少得散發一股青春活力。
吉吉喺聖誕節難得有幾日假期，把握時間同親友見面，仲會同中聲家族嘅支嚳儀、顏志恒、魏嘉信 等見面，大家仲趁住節日交換禮物。吉吉笑指收到嘅禮物中有值錢亦有唔值錢，更加有小廢物，就係人如其名嘅Benson送俾佢嘅垃圾袋，好彩都好實用。
近日吉吉廣邀中聲多位戰友一齊錄音，每人一句完成一首歌曲，吉吉解釋此舉係因為知道大家都超級繁忙，好難集齊人，後來就諗到叫佢哋Whatsapp每人一句，再經剪接製作出嚟，感覺都幾得意，但後期就花咗好多功夫。言談間吉吉更自爆都有邀請Ramon，但對方已讀不回。
