杜琪峯 同 邱禮濤 兩位導演，呢日現身一個國際短片節頒獎典禮，轉眼間活動已經舉辦到第19屆，作為主席嘅杜Sir非常感謝各位董事為典禮奔波，令佢哋減少財政壓力，杜Sir更特別多謝古天樂嘅支持同相助，認為今時今日嘅時勢大家都唔容易。
一直有傳杜Sir會同 梁朝偉 合作一套黑幫背景為提材嘅新戲，今次亦係二人相隔27年後重逢之作，仲話會去日本取景拍攝，但再被追問時，杜Sir則幽默指冇講過同偉仔合作，只係傳媒講之嘛，一切都未有清晰答案，但若過可以再有機會同偉仔合作當然係最好，但都要睇機昃，要寫好劇本先，依家連劇本都未有，仲需要時間。
香港電影業近年一直被指進入寒冬期，邱禮濤就直指呢個說法已經講咗好耐，由90年代開始講到而家都有30年，但仍然好好仲未死，希望可以繼續落去。