台灣各大職業球賽近年掀起啦啦隊旋風，以美少女加入為場上熱血球巽同激烈比賽打氣之餘，亦吸引更多球迷入場觀戰。除咗本地薑，亦有唔少韓國靚女安芝儇、李多慧、李雅英、李珠珢、邊荷律、河智媛等就先後被羅致到當地，更大受當地球迷歡迎，形成另一種追星效果，其中李多慧、李雅英 更由啦啦隊變吸金女王，廣告代言之餘近日李雅英更推出個人歌曲MV。
市場被外援大舉搶攻，日前台灣重磅代表就現身鎮一鎮佢哋霸氣喇，已婚兼育有一子嘅 林志玲 現身新竹，擔任職籃開幕戰主場球隊嘅啦啦隊成員，唔止同年輕成員一齊共舞，更穩站C位，雖然志玲姐姐上月底已踏入51歲，不過喺一眾後輩同場下身材保養亦毫不遜色，大長腿露腰啦啦隊服裝下一樣省鏡。
