鍾柔美現身頒獎禮為親密相解畫 輸遊戲被逼貼合照知出事即刪

鍾柔美 日前疑誤將佢同 劉展霆 嘅動態圖上傳到社交平台，事後令緋聞廣為流傳，呢日Yumi同 姚焯菲 詹天文 一齊現身電台頒獎禮，三人都分別獲得獎項皆大歡喜，而Yumi亦就呢次事件嘅來龍去脈首次公開解釋。

Yumi指當日係大家於聖誕派對中齊齊玩「真心話大冒險」，敗北嘅Yumi無奈接受懲罰，結果公司發現呢張GIF後就即時叫佢刪除，Yumi仲指自己玩遊戲實在非常渣，外界唔需要諗太多繼續誤會咁話。

佢又提到同Eden份屬好友，雖然係同月同日生，不過自己暫時對愛情冇諗法，會專注學業同事業發展。