麥明詩 去年初同機師 盛勁為 結為夫婦，今年3月更升任做新手父母，日前先一家齊齊喺當年設宴場地慶祝生日麥氏一家三口，首個聖誕節竟然因為爸爸要開工飛行而要分隔兩地，而Louisa為免呢件事發生，於是決定挑戰單獨帶囝囝飛行，結果短短兩小時行程，佢就笑言攰到有如8個鐘咁耐，而同樣已為人母嘅好姊妹 朱千雪 ，仲叫Louisa下次可以挑戰13小時，似係下戰書指自己飛返加拿大仲難搞咁話。
9個月大嘅盛BB唔止快高長大，仲喺機上坐唔定，左郁右郁非常好動，對所有嘢都非常好奇，一身同大髀都非常好肉勁可愛，Louisa仲指好在得到空服員同鄰座乘客嘅幫忙，自己先冇咁手忙腳亂咋。
