陳庭欣（Toby）與坐擁10億身家富貴男友楊振源（Benny）拍拖8年，近日Toby因缺席男友生日，加上聖誕各自慶祝旋即惹情變揣測。Toby星期一現身活動時承認同男友已分手2、3個月，覺得大家三觀不合，唔應該再繼續落去，彼此因了解而分手，當中不涉及第三者。
Toby再次接受TVB娛樂新聞台訪問，詳談回復單身嘅心情，分手後哽咽告別8年情，佢指心情OK，覺得生命唔係淨得拍拖……
過去Toby曾與翟威廉拍拖5年後分手，女方以「看不到二人有將來」回應緋聞，到2017年Toby又同傳與有米律師唐偉倫（Warren）拍拖，後來戀情無疾而終。
到2018年，Toby被指同美容產品老闆楊振源（Benny）相戀，Toby除咗落力推銷男友推出嘅美容產品，仲為男友嘅公司活動擔任司儀，被封「十億滿分女友」，Toby亦儼如「老闆娘」，不過兩人拍拖8年，近年亦屢傳婚訊，不過就屢次遭否認，日前佢出席活動更坦言「結婚暫時並非人生TOP 5」，目前專注工作。
