朱敏瀚 、郭柏姸、阮浩棕、陳懿德、何廣沛、曾文心、廖家爵 同 林凱恩 呢日一身紅噹噹打扮現身街頭，為TVB新一年嘅廣告套裝拍攝宣傳片，佢哋仲攞晒應景道具喺街上行，十足八個活動利是封一樣。
德德好開心可以拍攝公司嘅宣傳片，最緊要係開心同埋吸引更多客戶落廣告，朱仔都話喺放飯時一班人嘅紅色打扮好觸目，唔少途人搵佢哋合照。林凱恩就爆聽到街上途人大讚何廣沛好靚仔，好鍾意佢，細細個就睇何廣沛。
講到新年，自然就會聯想到派利是嘅習俗，雖然德德同朱仔都未婚，但德德同羅天宇以及朱仔同陳曉華嘅緋聞似乎已經係公開嘅秘密，德德仲話朱仔應該會好快派利是，因為臨近頒獎禮兩人都希望有好消息，朱仔就把握時間向德德逗利是。
廣沛今年8月宣布求婚成功，來年唔知會唔會派雙封利是呢？身邊嘅人即刻起哄向廣沛提早拜年，搞到佢都有啲尷尬，對派雙封利是更加一聽到就扮傻。
