曾參選香港小姐，以豐滿身材受大家注目嘅 ENews前主播 陳婉衡 ，5月宣佈將與圈外男友結婚後，今日於社交平台宣佈經多時考慮後，決定改名為 陳沛汶 。
Alycia近年轉任近身教練，體型更加有如葫蘆般曲線伶瓏，早前佢為於娛樂新聞台年代由同事成為好友嘅 簡淑兒 婚禮擔任好姊妹，之後亦緊隨步伐宣佈即將成婚，又公開同圈外男友拍攝嘅浪漫婚照，宣佈將於2026成婚，近日亦公開巴黎拍攝嘅另一輯靚相，迎接婚禮倒數3個月。
佢喺社交平台解釋今次改名原因時，仲以一身火辣裝扮靚相配圖，又寫道：經過深思熟慮同期盼後，終於可以激動宣布，我正式改名啦！呢個係我一直以來嘅夢想，終於鼓起勇氣喺幾個月後來臨嘅婚禮前實現🥰 願新嘅開始陪伴我以全新嘅面貌迎接2026年！💫
