羅孝勇（Sheldon）於2010年參加《超級巨聲2》獲得季軍入行，2020年與王丹妮（Louise）註冊結婚，羅孝勇靠埋頭苦幹自學，成功獲Murdoch University取錄，目標係5年後成為一名脊醫，求學期間更獲得學術卓越獎，羅孝勇今日喺社交平台分享校園生活，回顧2025年嘅點滴！
羅孝勇自2022年赴澳洲修讀脊醫課程，重返校園一段時間，跟同學們相處融洽，同時兼顧學業及家庭，一向寵妻嘅羅孝勇早前特意趁聖誕假期返港，陪老婆王丹妮及繼女羅芷欣（Affa）一齊食自助餐，一家三口喺酒店大堂嘅巨型聖誕樹留影，而另一張相見羅孝勇大曬入職證書，並留言：「我的2025年點滴⏳🕰️❤️。感謝這些美好的回憶☺️！」可見羅孝勇今年除咗陪伴家人之外，佢喺學業方面亦不敢怠慢。
