譚詠麟與紅顏知己朱詠婷（Wendy）育有一名兒子譚曉風（Howard），年約30歲阿仔遺傳父親音樂天份，學業成績優秀，於GCSE考獲12科A*佳績，畢業於英國牛津大學工程科學系碩士學位，又去美國普林斯頓大學深造，譚曉風行事低調，現居於加拿大生活，今日有雜誌報道指譚曉風近年投身科技領域，更晉升為高級軟件工程師，憑實力喺創新科技界開拓事業，表現超卓。
報道指譚曉風畢業後獲得多家公司招攬，目前於一間初創公司做高級軟件工程師，專注於開發數碼錢包及密碼學協議（Cryptographic Protocol）等，任職期間曾接手主理全球首款以太坊（Ethereum）區塊鏈嘅NFT遊戲「加密貓」（CryptoKitties），又曾於Amazon等4間科技公司任職，累積工作經驗，有傳佢年薪早已過百萬港元。
譚詠麟不時飛去加拿大探望阿仔譚曉風，對阿仔嘅成就感到引以為傲，佢早年講明唔太想阿仔繼承表演衣缽，有感藝人工作太辛苦，而阿仔對幕前工作零興趣，自己有分享人生經歷，希望阿仔行少啲冤枉路，自由去揀選自己嘅人生路，譚詠麟坦言恨抱孫，不過阿仔正值創業階段，有自己嘅打算！