陳松伶 早前宣佈2月底會喺伊館舉行演唱會，令唔少歌迷都相當興奮，更期待松松姐姐嘅經典作品好似《天涯歌女》、《月兒彎彎照九州》仲有《烏卒卒》等歌曲。演唱會門票已經公開發售，而一眾好友好似羅家英、米雪、趙雅芝、李克勤、溫兆倫、鄧萃雯、黎耀祥、黃智賢、黃凱芹、洪欣同林曉峰，仲早早錄製影片為佢打氣，祝願佢演出成功。
松松知道一眾好友為自己打氣非常感動，所以日前聖誕節面對美食都一直忍口，為免努力keep fit心血白費，而她今年的聖誕心願是家人、親人和朋友開心幸福，「我就不要辜負大家，希望我即將舉行的演唱會能陪伴大家，令大家聽出耳油。」
