近年參與綜藝仲喺電影挑戰唔同角色嘅韓星 李光洙 ，日前為好兄弟 金宇彬 同 申敏兒 嘅婚禮擔任司儀，見證好友愛情長跑10年修成正果。婚禮之後幾日，李光洙就飛到上海出席活動，原來光洙已經有10年冇去過上海喇！
光洙話雖然久違上海，但感受到呢個城市依然充滿熱情同活力，而且見到會場外有好多粉絲支持自己，衷心多謝大家嘅支持。
雖然活動上冇辦法近距離見到粉絲，但活動之後，光洙都有把握時間周圍行下，小紅書同微博都有唔少網民上載野生捕獲光洙嘅相，而遇到粉絲要求合照，光洙亦來者不拒，果然台上台下都一樣咁親民呀！
