影帝 張家輝 今年除咗執導兼參演電影《贖夢》外，佢仲重拾歌手身份，先係親自唱埋電影主題曲〈永遠的失眠〉，仲憑此歌入圍勁爆男歌手；而佢年中為陳慧琳演唱會擔任嘉賓嘅演出，跳唱〈眼睛想旅行〉時更令觀眾睇到熱血沸騰。
擁有一顆唱歌魂嘅張家輝，時不時會哼起歌嚟，早前就流出佢喺片場哼唱Gareth T.〈緊急聯絡人〉嘅片段 ，戴上金絲眼鏡嘅家輝，唱歌時嘅表情一臉淡淡然，加上歌詞「我知不該 但是不改 像某種流亡的愛千里之外」，一聽就滿滿故事感呀。
其實家輝曾經推出過兩張唱片，首張EP嘅主打歌〈愛得起〉嘅MV，更係由宣萱擔任女主角。而近年不時有網民考古，挖返當年家輝唱live嘅片段嚟重溫，唔知2026年大家有冇機會見到家輝重返樂壇呢。
