張曦雯公開澳門拍劇工餘小片段 全體聚餐打邊爐合照曝太太團探班

新劇《璀璨之城》正於澳門取境，女主角 張曦雯 趁除夕就公開唔少靚相，可見佢同 高海寧 姜大衞 吳卓羲 張智霖 蔣家旻 等趁拍攝空檔影相留低珍貴合照，另一張又見到John哥太太李琳琳、同Chilam太太 袁詠儀 都出現探班，一眾演員關係非常緊密。

Kelly喺空閒時又會趁機於澳門當地漫遊放鬆，仲見到台前幕後大堆頭齊齊打邊爐，打成一片非常熱鬧。長時間馬拉松式拍劇，Kelly就曾為大家安排大型到會式外賣，大家見到成枱咁多款不同美食，仲不斷嘩聲四起，齊齊開心食返餐再搏殺。Kelly又寫道：🎬2025殺青🎉《璀璨之城》繼續拍攝 😂，似乎2026開始就會繼續為重頭新劇繼續演出喇。