蕭正楠（Edwin）同老婆黃翠如自從去年3月誕下兒子蕭哈哈後，一家三口好享受家庭樂，加上哈哈遺傳父母良好基因，樣子超級可愛，真係人見人愛。
除夕送舊迎新之際，翠如同阿蕭上載咗一輯喺藍天下望海景嘅家庭照，阿蕭仲同哈哈著紅色格仔嘅父子裝，夫妻背向鏡頭互搭肩膀，中間藏住寶貝仔哈哈，呢個三口子嘅背影正正係兩夫妻最期等嘅畫面，仲笑得好冧。
翠如覺得呢份係上天給予嘅最好禮物，喺去年嘅最後一日有感而發，話2025年係兩人嘅第８年，記得第一年有幻想過三個人嘅背影，然後一年一年過，佢哋唔敢再諗太多，直至而家睇到呢幅相，比起幸福，更大嘅感受係恩賜，佢哋一家帶住呢份2025嘅禮物，迎接2026，而阿蕭同樣期待咗呢張三人背影照好耐，非常溫馨。
相中嘅哈哈經父母悉心打扮，頭戴小Cap帽，攬住口水肩，一邊自己捉住肉肉腳，眼仔睩睩望住父母，唔少好友同網民都大讚哈哈係超級得意，面珠墩好可愛。
