何嘉珍PO家庭照為元旦許願 晒與媽媽胡慧中穿宮廷服合照

80年代武打女星胡慧中嘅愛女何嘉珍Audrey，不時會喺網上分享自己嘅生活照與追星日常。喺2026年嘅第一日，Audrey就PO出與爸爸何志平、媽媽胡慧中、嫲嫲同自己嘅合照，並為2026年許下願望：「2025殺青！2026開機！新劇本主線：暴富💰、少多想、少生氣！」

除咗呢張一家四口嘅合照外，Audrey仲PO咗佢同媽媽cos公主皇后嘅照片，相中兩母女都着上宮廷裝，頭戴后冠手拖手合照，驟眼睇着上淺藍色宮廷服嘅胡慧中，同主題樂園嘅公主有啲相似。