元旦日再有喜事！ 古巨基 Leo Ku 喺2026年嘅第一日，就向大家宣佈家中添新成員！佢貼出與太太一齊手握BB手嘅照片，並於帖文中寫道：「這是在2025對於我和太太和Kuson一件非常感動的事，想在2026新年新開始的一天跟大家分享。」
基仔指唔記得由幾時開始，囝囝Kuson偶爾會同佢哋講，好想有個弟弟或者妹妹。而由於基仔同太太本身都有兄弟姊妹，所以佢哋了解到長大後，可以有個互相照應互相分擔嘅手足係幾咁重要，基仔表示：「畢竟父母只能夠陪伴他們走過一段人生的路程，餘下的可能都是兄弟姊妹的相互陪伴。」
如今Kuson嘅願望成真，基仔一家都相當開心：「感恩願望成真，Kuson和弟弟相親相愛👦🏻👶🏻我會繼續做個好丈夫、好爸爸！❤️❤️❤️❤️」
