任達華過去多次喺影視作品裡面飾演公職人員，職級有高有低，喺華哥嘅演繹下，角色顯得份外有型，華哥噚日喺舊油麻地警署出席「油蔴地警署光影之旅」展覽開幕禮，重拾往時拍攝警匪電影嘅回憶。
華哥出席活動時表示多年嚟演繹過唔少警察嘅角色，喺油麻地警署呢座香港警匪片嘅歷史地標有過好多電影拍攝經驗，令佢深感懷念。呢次展覽當中有好多場景，喚起集體回憶，當中任達華最喜歡就係雜差房︰「呢個場景細膩捕捉日夜交替嘅警員生活，充滿人情味。」
任達華出席「油蔴地警署光影之旅」展覽開幕禮 重拾往時拍攝警匪電影回憶
