資深女星翁倩玉喺日本同台灣享有高知名度，相隔40年再回台拍戲，演出一套以女子監獄為主題嘅新戲，今次飾演在囚人士「英玉奶奶」，佢透露被劇本打動先決定接拍。
故事講陳意涵喺獄中誕下女兒，因健康關係必須將小朋友送往寄養家庭，一班囚犯為咗令小朋友充滿美好回憶，特別組成合唱團。由於電影裡面嘅合唱團唱咗好多首歌，導演計劃推出一個特別版MV。
翁倩玉迎嚟出道60周年，導演承諾票房破億台幣嘅話，佢有準備一個特別禮物送畀翁倩玉，就係《時間之歌》MV，佢特意錄一個翁倩玉版本，令翁倩玉好高興。呢日舉行首映禮，幾位演員即場玩猜歌遊戲，翁倩玉亦即場清唱經典金曲《祈禱》，令觀眾聽出耳油！
